Установа дашкольнай адукацыі расчыніла свае дзверы маленькім хлопчыкам і дзяўчынкам у лістападзе 1978 года. Узрост дашкольны - нам 44!

  Па вуліцы Цэнтральная, 46 знаходзіцца дзіцячы садок №9. На першы погляд гэта звычайны дзіцячы садок, але ў ім ёсць нешта прыцягальнае. Тут зліліся разам і яркае сонечнае святло (бо за дзень сонейка паспявае зазірнуць у кожнае акенца) і бязмерная адданасць сваёй справе, дабрыня людзей, якія працуюць тут, і смех шчаслівай дзятвы.

  Першапачаткова ўстанова дашкольнай адукацыі знаходзілася ў распараджэнні Праектнага Інстытута «Брэстгіпразем», а з 2001 года – гарадскога аддзела адукацыі г. Пінска.

  Першым яго кіраўніком стала Калянчук Ларыса Герасімаўна. Яе змяніла Бойка Ніна Пятроўна.

  Кіраўніком, які зарэкамендавала сябе як адказны, таленавіты, патрабавальны педагог стала Буднік Галіна Міхайлаўна. Пад яе кіраўніцтвам фармаваўся малады, творчы калектыў, які паспяхова спраўляўся з рашэннем пастаўленых задач. На змену ёй прыйшла Жук Лідзія Іванаўна.

  З 2014 года і да гэтага часу кіруе ДУА «Дзіцячы садок №9 г.Пінска» Бурван Ала Віктараўна.

  Калектыў установы адукацыі развіваецца, папаўняецца маладымі спецыялістамі. Сёння дзіцячы садок, нібы адна вялікая сям'я, з яе радасцямі, штодзённымі клопатамі, адкрыццямі, святамі і буднямі. У ім працуюць людзі, якія нясуць цяпло, клопат, радасць адкрыцця свету нашым малым.

За гэтыя гады дзіцячы сад выпусціў больш за тысячу выпускнікоў. Сёння яны прыводзяць да нас сваіх дзяцей і ўжо ўнукаў.

  Для ўсіх, хто працуе ў нас, педагогіка - не толькі прафесія, але найперш лад жыцця. Менавіта тут нашы мілыя жанчыны сталі майстрамі сваёй справы, прысвяцілі сваё жыццё дзецям. Высокі прафесіяналізм, імкненне да ўдасканалення майстэрства, адказнасць за вынікі сваёй справы, патрабавальнасць да сябе і сваіх выхаванцаў – характэрныя рысы, якія ўласцівыя людзям прапрацаваўшым у нашым садзе шмат гадоў. Нашым педагогам падуладна адкрываць душу любога дзіцяці асаблівым ключыкам. У кожным выхаванцы яны ўмеюць разглядзець яркую індывідуальнасць.Калектыў заўсёды імкнецца працаваць творча, выкарыстоўвае сучасныя дасягненні педагагічнай навукі, укараняе нестандартныя і актуальныя тэхналогіі адукацыі і выхавання дзяцей дашкольнага ўзросту, створаны ўсе ўмовы для эмацыйнага дабрабыту выхаванцаў.

  Хутка праляцелі 44 гады. Дашлі да нас новыя педагогі і абслуговы персанал. Энергічныя і таленавітыя работнікі падтрымліваюць высокі статус і традыцыі дзіцячага сада. Нягледзячы на ​​невялікі педагагічны вопыт умеюць аказаць кваліфікаваную дапамогу бацькам па выхаванні дашкольнікаў, знайсці патрэбныя словы і аргументы, актыўна ўдзельнічаюць у разнастайных мерапрыемствах, якія праводзяцца ва ўстанове.